【旅遊冷知識】 飛機飲水冷知識

唔講唔知，飛機嘅水喉水真係幾污糟💀㗎，因為飛機構造，污糟水箱其實係放喺「乾淨水」箱隔離（好似係）。

而且飛機又唔係實驗室，水箱唔會成日洗之餘，亦都緊係唔會駛百幾萬做個無菌廁所比你啦！

所以就算小編飛overnight 或者長途機，都一定一定一定唔會用飛機上嘅水喉水洗面，喂！千其唔好攞嚟刷牙𠻹呀！！ 😖咦⋯⋯諗起都好鬼核突呀

靜雞雞講多樣野你哋知，空姐朋友話，除咗水喉水水箱唔會洗之外，其實連空姐拎住嗰個 Coffee or tea ☕️嘅膠水壺，空姐們都唔會咁得閒幫你洗㗎，每次都係靠飛機上嘅熱水，淥一淥佢，啲熱水可以殺到幾多菌我真係唔知喇。

所以無論我搭任何一間航空公司，我都少飲熱茶咖啡，下次空姐問你要coffee or tea 嘅時候，最安全都係飲樽裝飲品穩陣啲！

- 依排飛到抽筋的小編編上✈️

P.S. 除咗頭等同埋商務艙空姐會用樽裝水之外，經濟艙嘅乘客，除非你係見到空姐用樽裝水啦，平時倒出嚟嘅水都係機艙入面嘅水箱攞架。如果你個肚仔好似小編編一樣唔係咁健康，我都建議你都係唔好飲啦

————————

延伸閱讀 ☞ ☞ ☞ 【旅遊冷知識。TSA海關鎖篇】