正值年尾又臨緊過年...又係去旅行嘅旺季啦!!!!! V小編都唔例外plannnn好左去峇里島玩。但當 V小編一切準備就緖拖住行李就行得嘅時侯先發現.....passport唔夠六個月就過期呀! 呀! 呀! !
晴天霹靂嘅我，當然腦袋一片空白。😨
即刻上網睇下有冇啲咩對策，相信有好多人面對呢個情況都會有以下誤解。
誤解一 ）打去入境事務處查詢睇下有冇快証可以即時出境
答案: 係冇嘅！佢地只會答你辦理新護照需時十個工作天.....(😫下刪一百字)
誤解二 ）去機場博一博check-in counter 姐姐俾你上到機出境
答案: 係唔得嘅！因為所有航空公司都有權拒絕唔俾你登機架！就算你有千萬個理由都冇。辦。法!!!
誤解三 ) 所有國家都需要護照六個月以上有效日期先可以入境
答案: 原來唔係所有國家都有呢個規定！日本就（好似）係一個例外。小編編朋友親身經驗，正當佢準備去日本旅行結婚又係臨出發先發現媽媽護照仲有三個月就過期。立刻打左去日本個邊求證，如果逗留日本嘅時侯護照仲喺有效日期內都可以入境！(純屬個人經驗作參考)
最後，小編編係要忍着淚同陽光與海灘及同行興奮出發嘅朋友們說一聲Goodbye 😭! ! ! ! 繼續留喺香港迎接嚟緊呢幾日冷風嘅天氣。
**SHK 提提你，唔想煩，又怕記錯國家規定？最保險的方法就是護照有 6 個月或以上的有效期，咁就一定得啦！如果是旅行社報團，一般會要求護照有 6 個月有效期，主要是方便旅行社處理，確保旅客出入境成功，旅行社零風險。訂機票後或出發前記得check清楚所有旅遊証件嘅有效日期同埋所有國家出入境嘅規定! ! ! 咁就萬無一失啦!!
#唔會話你知其實係小編我數錯咗月份
#同小編一樣對數字極度唔敏感嘅請舉手!!
....................................
各國護照有效期列表
沒有明文規定的國家包括：
01)日本
國家旅遊局網站註明，只要護照在逗留日本期間有效，便可以入境。
02) 韓國
韓國政府網頁上，未見明文要求旅客護照需有 6 個月有效期的規定，只要求旅客在逗留韓國期間有效。
03) 英國
駐港總領事館發言人指，旅客護照需要在 逗留英國期間 有效，但入境人員可以有最終決定權，決定是否容許旅客入境。
04) 澳洲
駐港總領事館發言人稱，該國政府只要求旅客護照在逗留期間有效，但提醒旅客注意個別航空公司的限制。
05) 美國
根據美國駐港總領事館網頁資料，如欲到美國旅遊需申請簽證，持特區護照者，有效期可獲延長 6 個月。即是在獲得美國簽證後，即使護照有效期不足 6 個月，仍可入境。
06) 法國
政府網頁標明，要求旅客在入境時，護照有效期為 3 個月。
07) 加拿大
未有明文要求旅客護照需有 6 個月有效期。
08) 墨西哥
未有明文要求旅客護照需有 6 個月有效期。
09) 尼加拉瓜
要求旅客護照在逗留期間有效，亦視乎入境原因而決定。
10) 以色列
未有明文要求旅客護照需有 6 個月有效期。
_________________________________
「護照需至少6個月內有效」國家
11) 新加坡
駐港總領事館職員指，新加坡有相關規定。
12) 泰國
駐港總領事館指出，旅客護照需至少 6 個月內有效，是國際標準規定。
13) 台灣
根據政府網頁，台灣規定旅客護照需至少 6 個月內有效，記得要申請埋入台證。
14) 馬來西亞
馬來西亞政府網頁有相關規定，旅客護照需於入境起至少 6 個月內有效。
15) 緬甸
旅客護照需於入境起至少 6 個月內有效。
16) 老撾
旅客護照需於入境起至少 6 個月內有效。
17) 印度
旅客護照需於申請簽證起至少 6 個月內有效。
18) 俄羅斯
旅客護照需於出境後至少 6 個月仍然有效。
19) 沙烏地阿拉伯
旅客護照需至少 6 個月內有效。
20) 巴西
旅客護照需至少 6 個月內有效。
21) 宏都拉斯
旅客護照需至少 6 個月內有效。
22)阿根廷
旅客護照需至少 6 個月內有效。
23) 巴拉圭
旅客護照需至少 6 個月內有效。
24) 厄瓜多
旅客護照需至少 6 個月內有效。
25) 加拉巴哥群島
旅客護照需至少 6 個月內有效。
____________________________________________
唔想煩，又怕記錯國家規定？最保險的方法就是護照有 6 個月或以上的有效期，咁就一定得啦！如果是旅行社報團，一般會要求護照有 6 個月有效期，主要是方便旅行社處理，確保旅客出入境成功，旅行社零風險。
最後一check 網頁檢查最安心
仲有多一個方法確定自己的護照是否有效，IATA 國際航空運輸協會旅遊中心網站，可以即時確定，輸入個人護照、航班資料，就可以得知護照是否有效。
____________________________________________
Passport 就過期！申請特區護照
入境事務處網頁指：由收妥所需文件、費用及相片後的 10 個工作天內完成，工作天是星期一至星期五，不包括公眾假期。而未滿11歲，未持有香港永久性居民身份證的兒童，申請的處理時間為14個工作天內。你可於入境事務處完成處理申請後的下一個工作天領取新護照。但亦有灰色地帶：此服務承諾能否達到，須視乎個別申請情況，以及於該段時間內所收到的申請數目而定。所以建議大家買機票前，睇睇旅遊國家是否有規定護照有效期，因為「要去旅行」依個原因，申請快證係唔會接受架！
網站：www.gov.hk
延伸閱讀 ☞ ☞ ☞ 【旅遊冷知識。TSA海關鎖篇】
延伸閱讀 ☞ ☞ 【旅遊冷知識 • ✈️飛機飲水冷知識】
